مادريدتىك "رەالدىڭ" شابۋىلشىسى كريشتيانۋ رونالدۋ بارسەلوناعا قارسى وتكەن يسپانيا سۋپەركۋبوگىندا تورەشىنى يتەرىپ جىبەرگەنى ءۇشىن ۇزاق مەرزىمدى جازا الۋى مۇمكىن دەپ حابارلايدى Qamshy.kz اقپارات اگەنتتىگى life.ru-عا سىلتەمە جاساي وتىرىپ.
82 مينۋتتا كريشتيانۋ رونالدۋ ويىنداعى ەكىنشى سارى قاعازىن الىپ، الاڭنان قۋىلعان بولاتىن. پورتۋگالدىق شابۋىلشى ويىنعا ەكىنشى تايمدا قوسىلعان ەدى.
كەزدەسۋدىڭ باس تورەشىسى ريكاردو بەنگوەچەا رونالدۋدىڭ الاڭنان كەتىپ بارا جاتىپ، تورەشىنى يتەرىپ جىبەرگەنىن ويىننىڭ رەسمي حاتتاماسىنا قوسىپ قويدى.
يسپانيا فۋتبول فەدەراسياسىنىڭ ەرەجەسى بويىنشا، مۇنداي قىلىعى ءۇشىن فۋتبولشى ءتورت ويىننان 12 ويىنعا دەيىن شەتتەتىلۋى مۇمكىن.
ەسكە سالا كەتەيىك، يسپانيا سۋپەركۋبوگىنىڭ ءبىرىنشى ويىنىندا «رەال» كامپ نوۋدا «بارسەلونادان» باسىم تۇسكەن بولاتىن.
